隨著張衞健回歸TVB大獲好評，令大家不禁又再緬懷上世紀的好戲之人，而最近網民討論得最多、最希望他重返TVB拍劇的，就是萬梓良！事關有人讚他搞笑掂，於《他來自江湖》拍住周星馳都唔輸蝕，演技又夠勁，於《流氓大亨》對住鄭裕玲喊到眼淚鼻涕一齊嚟，更堪稱經典！無奈回憶總是美好的，現實就係好殘酷。事關如今61歲的萬子，多年來一直飽受家族性糖尿病折磨，雖然早前曾回歸拍港產片《麥路人》，但當時他已坦言要日日食藥，否則醫生唔會俾佢拍戲，而在藥物影響下，更導致體重急增，可見糖尿問題對他造成幾大傷害。
仔細老婆嫩
大家可能會疑惑，都61歲啦，萬子不如退休享清福！但更殘酷的現實是，早年北上從商經營時裝生意的他，高峰時分店遍布全國，可惜SARS一役，令他傳陷財困，之後更要重返娛樂圈：「我當時嘅生意的確係遇上問題，但我等錢使係因為媽咪患咗糖尿病，每個月單係醫藥費都超過20萬。」其後母親未完抱孫心願便不幸離世，至今依然是萬子心中的一道傷痕。
而一生肩負養家重擔的他，獨子萬大千今年只得15歲，名副其實仔細老婆嫩：「我計劃做到66歲，等個仔大個出身，先退落嚟。」由於希望給妻兒更大生活保障，所以萬子近年積極搵快錢，登台商演乜都做，就連很多藝人為之卻步的酒吧騷都接，而由於酒吧騷品流複雜易出問題，又可能要面對客人灌酒等麻煩，加上很多時要工作至凌晨，故酬勞一般比市價高最少三成。而近日萬子又再現身內地酒吧騷，只見他傾力獻唱，更走到台邊與酒客握手，好識搞氣氛，不過有現場酒客於網上留言話好擔心萬子身體情況：「不是第一次在酒吧見他，亦見過有人向他灌酒，次次唱到這麼晚，普通人都未必捱得住，何況是病人。」
對於外界種種傳言，最近萬子接受內地媒體訪問時就坦言：「我不怕死，就是捨不得兒子。」慈父唔易做，萬子記得要好好保重身體呀！
網上圖片
網上圖片